11 نوفمبر 2007
مرسلة بواسطة
بنوتة
في
11/11/2007 12:05:00 ص
امتحان السفارة المصرية للتأكد من الجنسية
صباح الفل حبايبي الأعزاء
صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة :
قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
السؤال الأول:اختار من بين الأقواس الكلام الصح:
1- حنان ترك اتحجبت يعني............ (لبست جزمة - لبست ساعة - لبست ايشارب)
2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)
3- اللي بنى..بنى مصر كان في الأصل......(حلاق - نجار - تاجر مخدرات - صلاح - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)
- بص في ورقتك يا حيواااان!
5 - مصر هى أمي نيلها جوا...........(عبي - بطني - رجلي - جيبي - دمي)
6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق)
السؤال الثاني:أكمل الجمل الآتية بكلام م الآخر
6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق)
السؤال الثاني:أكمل الجمل الآتية بكلام م الآخر
1- انتبه من فضلك السيارة ترجع إلى............ ......... ...
2- ماما زمنها............ ......
3- من خلال تجاربك السابقة...البامبرز استيك منه............ .
4- طلعت أدّب نزلت أدّب لقيت الدب بيأزز............
5- اسم والد اللاعب وائل جمعة الحاج............ ..
- و لو بتشجع أي فرقة من الفرق الأجنبية 'ريال مدريد ولا برشلونة ' مافيش دين أم جنسية
السؤال الثالث:ضع علامة صح أو علامة غلط أمام الكلام الجاي
1- بابا فين؟؟ ..بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- أذان المغرب في رمضان بصوت 'طارق نور' ( )
- صح يا أهبل ، كل حاجة في رمضان بصوت طارق نور
4- شاي الجوهرة حتة سكرة ( )
5- يحكم مصر النظام الملكي ( (
31 Comments:
الاشتراك في:
تعليقات الرسالة (Atom)
Atom Feed (xml)
مفيش حذف اجابتين؟
بس فى اسئلة صعبة
معرفتش اجاوب
ياريت يكون فى اختيارات
هههههههه
سلام يا قمر
مش ممكن أنتى حته سكر كل ألى حوليا سمعو ضحكى
بس المره الجايه خلى الأمتحان أسهل
بجد حلو موووت
بس بجد بوست زي العسل وخلاني أضحك مع إني واقع في كلكيعة ميدتيرمات ومش طايق نفسي
كان معكم ..,
كيكووووو
بجد ما عرفتش أكمل قراية حاجة و عنيا وجعتني
اسمحيلى ارفع القبعة
ليكى و احييكى ع البوست الهايل دة
و ياريت نبقى اصحاب
_اجابة سؤال رئيس مصر القادم_
وحياة امى و امها جمال مبارك
********
قلبي اه يا قلبي اه يا قلبي منك يا قلبي
ايهئئئئئئئئئئئئئئئ
كيكوووو كاكاكيكو كيكوكوكا كريكاكوكا
كان بيغنيه
كيكيكيكيكيكيكيكي
كفكفكفكف عليا كف ما تكف
يعني
:
اف اف اف اف اف عليا اف ما تقف
دانا الي بهدهالها
طيب وبعد اثبات الجنسيةايه اللى هايحصل؟
1- ..هتتعامل زى أى مصرى وتنجر من
2- هاتستلف بعد يوم واحد فى الشهر لأن باقى الأيام كلها 31
3- أى سايح أجنبى أو .. هايفضلوه عنك لأنك مواطن
أهنئك
مررت على مدونتك الجميله وعجبتني جداً
وخصوصاً البوست دا فكرته جميله جدا
تحياتي
بجد بنوتة عسل
بس الاسئلة صعبة
يعنى مينفعش تغششينى
سؤالين تلاته كده
حفكر تالت
تحياتى لخفة دمك
nice words for nice blog
hope to be friends
c u soon
bye
والله انتى زى العسل
ديسرت كات