24 أكتوبر 2008

لو انت ناظر مدرسة....التعليم باظ يا ناس

10 التعليقات مرسلة بواسطة بنوتة في 10/24/2008 06:47:00 ص


البوست انهارده سؤال بس


لو انت ناظر مدرسة او لو انتي ناظرة مدرسة حتقلب حوش مدرستك الي قاعة افراح ولا حتعمل طلب اخلاء المدرسة في يوم دراسة عادي و الطفال في المدرسة و بدون علم اولياء الامور؟؟؟؟!!!؟؟!؟!


ملحوظة:الكلام ده حصل فعلا


و المشكلة ان كل الناس متعاطفين مع ناظر المدرسة الي اقلب الحوش قاعة افراح!!!!

 

التسميات:

30 سبتمبر 2008

عيد سعيد، ناس غريبة

4 التعليقات مرسلة بواسطة بنوتة في 9/30/2008 02:47:00 م



عيد سعيد
معلش ماقدرتش اهنيكم في رمضان بس معلش ملحوقة معل اصل في رمضان كانت بداية مدارس انا عايزة اقولكم حاجة و تقولولي رأيكم فيها
"دلوقتي انا دخلت المدرسة يوم 20 رمضان ماشي يعني اسبوع و رمضان يخلص يستنوا طيب لغاية لما رمضان يخلص مش ده المهم هما دلوقتي حيدونا اجازة بتاعة العيد قالوا الجازة من يوم الأثنين للسبت و بعدين غيروا رأيههم و خلوها من الأثنين للأثنين يعني اسبوع طب مت كانو يدونا اسبوع الجازة ده في رمضان مش فاهمة ايه ده ناس غريبة؟؟؟!!!؟! اصل المدرسة فرنساوي فللي مسكنها رهبات"

 

التسميات:

10 سبتمبر 2008

لماذا..لاهمال الضباط

5 التعليقات مرسلة بواسطة بنوتة في 9/10/2008 06:48:00 ص


لماذا عندما اكون في طريقي الى جدتي ارى الظابط نائما على كرسيا من الرخام
و ضابط اخر اراه يقف امام عربه بجواري و يقول للرجل العجوز الذي يقودها : كل سنة و انت طيب
يقول الرجل :و انت طيب يا ابني الضابط: مرة اخرى كل سنة و انت طيب
انا بتعجب!!اقول في نفسي ماذا يقصد
فيقولها للمرة الثالثة :كل سنة و انت طيب و يشاور بيده بحركة الفلوس
فأعرف ان الضابط كان يريد مالا
و لماذا عندما اكون في السيارة في بوكللى حد بيبقى اتيا من امام و يمين و شمال و انا كنت اريد ان امشي طوالي و الضابط صفر علشان
تمشي السيارات التي هي امامي و صفر مرة اخرة للسيارات التي هي في صفي تنطللق و لكن لم انطلق لماذا لأن سيارة من الصف الذي
كان امامي صفر عليها الضابط لن تمشي لأنها ملحقتش تمشي و انا لن امشي و لا السيارة الأخرى و في النهاية السيارة الخاطئة هي التي
مشت اولا
ماذا اسمي هذا اسميه فساد و اهمال من الضباط

 

التسميات:

30 أغسطس 2008

تاج تاني يا بويييي

8 التعليقات مرسلة بواسطة بنوتة في 8/30/2008 05:00:00 م


تاج تاج تاج تاني يا خواتي يا بوي
انا بيه انا بيه انا بيه
هههه
طولت شوية ادخل في الموضوع و اقول التاج جالي
من
الاستاذة* المدونة العزيزة*عروسة المولددددد
سورري عروس البحر
اه ياني اعدة تبلبط في المياه و انا في عز الحر
***
اولا:
مين اللي دبسك في التاج؟

السيدة عروس البحر

********

ثانيا:

******


اذكر القوانين المتعلقة في الواجب ؟


اني اخد في ابتدائية 10/10 و في ثانوية 100%100

*****************************************************************************

ثالثا:

******
اذكر ستة اسرار لا يكتشفها من يقابللك اول مرة؟
بحب الناس جدا
علطول احب انعى مشاكل قرايبي و صحابي
بحب اقرأ جدا
بحب اعيش الحياة
بحب اكون حرة بس مش حرة بدلع ماسخ حرة بمعنى محدش يتحكم فيا او زي ما بيقولوا ابقى خاتم في صبع حد
بموت في حاجة اسمها اثار

****

رابعا

****

اذكر ستة عشر صفة عن نفسك؟

ما ببخلش على نفسي و لا على حد

بيقولوا طيبة ها ايه رأيكم انا طيبة ولا لأ؟

بحب اللمة

ساعات مترددة

لا اميز حد عن حد ابدا

عنيدة

عادلة

ما بتعصبش غير لما حد يستفزني

متفائلة

حساسة

ببص على الحلو قبل الوحش

relax على الاخر

متواضعة

مش انانية

بسامح بسرعة

قلبي زي الخسية اللي ممكن تكون غلت و معرفش بقيت بكيم

******

جينا للسؤال المهم

خامسا

****

مرر التاج لست اشخاص؟

********************














 

التسميات:

26 أغسطس 2008

مازال عرشي صديقا لي

15 التعليقات مرسلة بواسطة بنوتة في 8/26/2008 01:31:00 ص





مازال عرشي معي نعم عرشي سيبقى صديقا لي لا يفراقني ابدا


عرشي هو


عرش طفولتي ..................لن اتركه


عرش اخلاقي..................لن اتركه


عرش فرحتي...............لن اتركه


عرش احساسي......... لن اتركه


عرش محبتي للناس ..لن اتركه



عرش ضعفي.................................... لن يتركني


عرش ظلي و مهانتي.......................... لن يتركني


عرش خوف................................... لن يتركني


عرش زنزانتي ..............................لن يتركني


عرش و حدتي............................. لن يتركني


عرش عدم احساسي بالأمان........... لن يتركني


عرش حزني ............................لن يتركني






عرش مصر سيبقى معلقا في جدار قلبي




 

التسميات:

18 أغسطس 2008

اجدد الاشعار المصرية

21 التعليقات مرسلة بواسطة بنوتة في 8/18/2008 02:59:00 ص



يا جارحنى بلقمة ناشفة و العيش عندك طرى
تقلان عليا ليه ارحمنى يا مفترى
*************************************************************************
طلعت فوق السطوح هز الهوا كمي
كل العيال اتجوزوا و انا لسة جنب أمي


***************************************************************************
يا حبشتكة يا حبشتكة القلب من الحب اشتكى
يوم دمع وحزن ويوم فرح و هشتكة
***************************************************************************
حبيبى يا ناس حلقلى و سايق ف التنفيض قولوله يرحم قلبى و ميعملش فيها عبيط
***************************************************************************
كان بينا شوق و محبة راحت بلوية بوزك
الله يحرق المحبة و يحرق اللى يعوزك
***************************************************************************
اللى يشوفك يفتكرك فارس ف ساحته ميعرفش انك حتى الشراب شاحته يا روش و آخر روشنة .. يا طبيعى من غير تنشنة عيش عالناس كلها و متعشّ عليا انا
***************************************************************************
قلبى مش متين يا ملقّح جوا ف قلبى وانا من حبك جالى سكر ادينى انسولين
**************************************************************************

حبيبى طالع فيها فاكرنى ح دلعه ياما نفسى يدينى ظهره وعلى أفاه ح لسعه
***************************************************************************
قطعني حتة حتة وأرميني لأي قطة
أنا كنت بأحب واحد دلوقتي بأحب ستة
************************************************************************************
حبيبي قالي بحبك قلتله أتنيل دا الحب في القلب مش في التليفون يامنيل
************************************************************************************
الهس بس هس ... هوا لازم يحس
هوا عمال بيتخن أنا عمال أخس
************************************************************************************
ياللي وريت الفؤاد أيام أليمة روح أنت والفؤاد عالجزمة القديمة
************************************************************************************
لسه صاحي من النوم الحلو حلو ولو
وشه كل يوم والمعفن معفن ولو غسل
حبيبي للي بحبه قلتله أتنيل جربتك في الحب و طلعت أكبر عيل
************************************************************************************
يادابحني برمشك على سهوه
دوبلي صباعك في القهوة
************************************************************************************
أجيبلك هدية تاخدها ببساطة وفي عيد ميلادي تسوق العباطة
************************************************************************************

 

التسميات:

15 أغسطس 2008

احلام و امنيات

3 التعليقات مرسلة بواسطة بنوتة في 8/15/2008 06:41:00 ص

كلنا بنحلم و بنعيش لهدف مين معندوش حلم و نفسه يحققه و مين معندوش هدف عايش عشانه يعني الحبيب عايش عشان حبيبته و المخطوب عايش عشان خطيبته و المتجوز عايش عشان مراته و المخلف عايش عشان مراته و عياله و هكذا البنات انتوا عرفيين لو الناس معندهاش اهداف حتقول احنا عيشين ليه و نصفهم يموتوا لكن لو عندنا حاجة نعيش عشانها اكيد حنعيش
اكيد كلنا لينا احلام من صغرنا و فيه نصنا حقق احلامه و فيه ناس لسه محققوش حاجة

اكيد كلنا عاوزين نبقى مبسوطين انا بتمنى ان كلكم تحققوا احلامكم

 

التسميات:

05 أغسطس 2008

سنة حلوة يا مدونة شات شات شاة

26 التعليقات مرسلة بواسطة بنوتة في 8/05/2008 03:05:00 ص

ايده كل ده ليا لأ مش معقول مش معقول انا بحلم اده انا عجزت لدرجة دي يا ناس يا هو كملت سنة في التدوين يوم 5 اغسطس لأ مش معقول كل دي بوكيهات ورد و تهاني لالالالالا انا بحلم ولا ايه؟؟؟؟


انهارده انا فرحانة اوي انا من سنة كنت مستنية اللحظة دي اصدقائي المدونين و المدونات اشكركم واحد واحد على انكم تابعتوني و زورتوني و استحملتوني سنة احب اقولكم بحبك و ميرسي وده مني ليكم

مبروك علينا و عليكم و عقبال كل المدونيين لما يبقوا عندهم 11000000000000000000 سنة

 

14 يوليو 2008

15 التعليقات مرسلة بواسطة بنوتة في 7/14/2008 06:45:00 ص




مرة جلست افكر و افكر في حاجات تشبه الالغاز و انهارده جايه اقولكم هل تتوقعوا؟؟؟....


هل تتوقعوا ان في المستقبل العلماء ان يخترعوا حاجة تطيرنا؟

هل تتوزقعوا ان مصر يحصل فيها حروب تاني؟

هل تتوقعوا ان ابو الهول يتهد؟

هل تتوقعوا ان يجف البحر؟

هل تتوقعوا ان الاهرامات تتهد؟

هل تتوقعوا ان يظهر في المستقبل حيوان تانية؟

هل تتوقعوا ان يجف النيل؟

يا ريت تقولولي في الكومنت يا نعم يا لا

 

05 يوليو 2008

كل شيئ على ما يرام

7 التعليقات مرسلة بواسطة بنوتة في 7/05/2008 03:50:00 ص


عندما عاد الأب من السفر وجد إبنه الأصغر باستقباله في المطار

فسألة الأب على الفور: كيف جرت الأمور في غيابي؟ هل حدث مكروه لكم؟
أجابه الابن: لا يا أبي كل شيئ على مايرام ولكن ... حدث شيئ بسيط وهو أن عصا المكنسة قد انكسرت

أجابه الأب مبتسماً: بسيطة جداً، ولكن كيف انكسرت؟

أجاب الابن: أنت تعرف يا أبي عندما تقع البقرة على شيئ فإنها تكسره

أجاب الأب متعجباً: البقره!!! قل تقصد بقرتنا العزيزه

أجابه الابن: نعم، نعم، عندما كانت تهرب مذعورة دهست فوق عصا المكنسه وارتمت البقره على الأرض وانكسرت عصا المكنسة

أجاب الأب: والبقرة، هل حدث لها مكروه؟

أجاب الابن: ماتت

صرخ الأب: ماتت ولماذا كانت تهرب مذعورة؟

أجابه الابن: كانت تهرب من الحريق

قال الأب: حريق!!! وأي حريق هذا؟

قال الابن: لقد احترق منزلنا

قال الأب: ماذا!!! منزلنا احترق، وكيف احترق المنزل؟

قال الابن: أخي الكبير - رحمه الله

قاطعه الأب: هل مات أخوك؟؟

قال الابن: نعم، أخي كان يدخّن فسقطت السجارة على السجادة فاحترق المنزل ومات أخي بداخله

قال الأب وقد انهارت أعصابه: و من متى كان أخوك مدخناً؟

قال الابن : لقد تعلم الدخان كي ينسى حزنه

قال الأب: وأي حزن هذا؟

قال الابن: لقد حزن على والدتي

قال الأب: وماذا حدث لأمك؟؟

قال الابن: ماتت تهي تهي

 

التسميات:

الاشتراك في: الرسائل (Atom)