بنوتـــة لاســــــعة

التعريف
برعي:برعي انسان فقير بيبيع فول و عنده 5 عيال:حسن،حسين،حسني،حسنين و اخيرا حسنية و هو متزوج من نعمات
نعمات:نعمات انسانة فقيرة ربة منزل و عندها برضه ال5عيال:حسن،حسين،حسني،حسنين و كذلك حسنية و هي متزوجة من برعي بياع الفول
برعي و نعمات يعيشون في حارة صغيرة في منطقة شعبية
تدور هذة القصة في هذه الحارة التي يعيشون فيها و مع اهلها

************************

صحى برعي الساعة 9 و نص الصبح سعيا الي العمل
برعي:فين الأكل يا ولية؟
نعمات:منين يا حصرة؟..انت اديتني اول الشهر 100 جنيه و قولتلي ماشي نفسك بيهم الشهر ده
برعي:و وادتيهم فين يا فالحة؟
نعمات:10 جنيه لدرس حسن و 7 جنيه عشان الدوا بتاع حسين و 7 جنيه تشيرت لحسني و 30 جنيه لعلاج حسنين و 18 جنيه لشبشب حسنية
برعي:و الباقي ال 28 جنيه راحوا فين؟
نعمات:يوه هوه ،ما انت اختهم عشان تصلح عربية الفول
برعي:آه صحيح ،ماشي
نعمات:هات لنا اكل و انت جاي
برعي و هو بيقلد نعمات:منين يا حصرة؟
نعمات:بلاش تريئة من عربية الفول بتاعتك
برعي:ما انا ما بقتش اقف عليها
نعمات:ليه ان شاء الله ؟ امال انت صلحتها ليه؟
برعي:خلاص اتلهي يا شيخة ده انتي مملة خلاص حشغلها كل ده عشان سألتك فين الأكل؟امل لو سألتك ازيك حتعملي ايه؟
نعمات:يلا شوف اللي وراك و انزل بقى
ينزل برعي من بيته و هو زهقان و يقف قدام عربية الفول و ينادي و يقول:"الفول،الفول"
تأتي فتاة صغيرة تبلغ من العمر 8 سنوات
الفتاة:لو سمحت يا عمو عاوزة فلافل
برعي:مش سامعاني يا هبلة انا بقول الفول الفول مش الفلافل الفلافل
الفتاة:انا اسفة
و طلعت تجري الفتاة
و تنادي ام كلبز من الشباك
ام كلبز:عاوزة باتنين جنيه فول يا عم برعي
برعي:معنديش
بالرغم ان عنده
و بعد ساعات في منزل برعي و نعمات
تأتي الفتاة التي كانت تريد الفلافل و ام كلبز
الفتاة لنعمات:عمو برعي يا طنط نعمات بقى شرير قوي و عصبي اوي
ام كلبز:جاية اقول له عاوزة فول باتنين جنيه يقول:معنديش
نعمات:لا يا ام كلبز اكيد في حاجة غلط ،برعي عنده فول يكفيه 3 ايام و لا يا حبيبتشي يا صغيرة انت عمو برعي عنده فلافل
ام كلبز:اهو ده بقى اللي حصل يا اختشي
يأتي برعي من الخارج
نعمات:اخبار الشغل ايه؟
برعي: كويس كويس كله كويس،فين الاكل بقى؟
نعمات:منين؟ده انت كل زبون يجيلك كنت بتطفشه
برعي:اممممم انا داخل انام
نعمات:حفوتهالك المرة دي،تصبح على خير
تدخل نعمات تنام و تترك ام كلبز و الفتاة الصغيرة
ام كلبز و الفتاة في نفس الوقت:و الله دي عيلة (عائلة) مجنونة
*******************************************************
و كده تكون خلصت يوميات برعي و نعمات الجزء الأول مستنياكم في الجزء التاني